Осман Дембеле се наоѓа пред заминување од Барселона и кариерата најверојатно ќе ја продолжи во англиската Премиер лигата, и тоа во најбогатиот клуб на светот, Њукасл.

Каталонскиот весник „Мундо Депортиво“ пишува дека и покрај желбата на тренерот Чави Ернандез да го задржи Дембеле и по идното лето, управата на Њукасл му  подготви договор на францускиот репрезентативец, на кој Барселона не може да одговори.

Според весникот, Њукасл му нуди на Дембеле годишна плата од 15 милиони евра, плус дополнителни 15 милиони бонус за потпис на договорот, а провизија ќе добие и неговиот агент.

Осман Дембеле заедно со Филипе Кутињо се најскапите засилувања во историјата на Барселона. Каталонскиот тим за Дембеле во 2017 година плати 135 милиони евра, но фудбалерот не ги оправда вложените пари и поголем дел помина на рехабилитација од повредите отколку што играше.