Иако последните дваeсетина дена нивото на езеротo Козјак порасна за повеќе од два метрa, благодарение на дождовите и снегот во последните два месеца, сепак испуштањето на водата за потребите на ЕСМ за производство на електрична струја, доведе водостојот да опадне.

-Порастот на  водостојот на езерото Козјак беше краткотраен и како што информираа жители од крајезерскире села, нивото на езерото повторно е опаднато за повеќе од два метри и водата повторно се повлекува кон браната, додека површината на езерото се намалува. Приливот на вода од Треска и останатите извори не е доволна да ги надомести количините на вода кои се испуштаат од браната, информира Миле Стојкоски од ЦУК Македонски Брод.

Стојкоски потврди дека и нивото на Треска благо опаѓа.

-Само што престанаа врнежите од дожд, нивото на Треска почна  да опаѓа и денес на мостот кај Македонски Брод се измерени само 80 сантиметри. Ако во наредниот период нема поголеми врнежи од дожд, тогаш Треска уште побрзо ќе се намалува, бидејќи количините снег на планините се недоволни за полно корито на најголемата притока на Вардар, додаде Стојкоски