НИШТО ПОЛЕСНО: Подгответе домати во тегла за оваа зима (РЕЦЕПТ) – Слободен печат
ЕспресоХрана

НИШТО ПОЛЕСНО: Подгответе домати во тегла за оваа зима (РЕЦЕПТ)

Овој рецепт се подготвува тегла по тегла. Наведените состојки се однесуваат само за полнење на една тегла.

Потребни состојки:

8 домати
1 лажичка сол
1 лажичка шеќер
1 лажица доматно салца

Подготовка:

Пред да започнете со подготовката на овој рецепт кој обично се консумира со тестенини или пак како додаток на некоја манџа, исклучително важно е покрај вас да имате веќе подготвени тегли кои се чисти и претходно затоплени.

Потоа, во тенџере на оган ставете поголемо количество на вода да зоврие. Додека чекате водата да ја достигне посакуваната температура, во подлабок сад, ставете ги измиените домати. Откако водата ќе биде доволно врела, истурете ја врз доматите и покријте ги со капак. Оставете ги „попарените“ домати да отстојат така најмалку два часа.

Потоа тргнете го капакот и вадете ги доматите еден по еден. Тие ќе започнат да се лупат многу лесно. Лушпата буквално самата ќе започне да им паѓа. Во секоја тегла ставете од доматите, малку стегнете ги, да собере што повеќе.

Секоја тегла со домати наполнете ја со вода. Потоа водата истурете ја во некое тенџерче и за секоја тегла ставете од потребната количина сол, шеќер и салца. Зачинете по вкус, оригано, сув босилек, бибер, што сакате. Убаво измешајте и со смесата наполнете ги теглите.

Наредете ги теглите во тенџере и ставете ги на оган, да варат отприлика дваесетина минути.

Со ова постапката за подготовка на домати во тегла завршува.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close