Ништо од преселбата во Мерцедес, Ферстапен го продолжи договорот со Ред Бул
Холанѓанецот одлучи со австрискиот тим да се бори за титулата.
Макс Ферстапен ги прекина сите шпекулации околу неговата иднина и потпиша нов долгогодишен договор со екипата на Ред Бул. Со новиот договор, Ферстапен ќе биде дел од Ред Бул до 2023 година.
Во изминатиот период се шпекулираше дека Холанѓанецот ќе го напушти Ред Бул и ќе се пресели во Мерцедес кој токму вонего ја гледаше идеалната замена за шесткратниот шампион Луис Хамилтон.
„Среќен сум што го продолжив договорот. Ред Бул уште од почетокот на мојата кариера веруваше и ми даде шанса во Формула 1 и поради тоа засекогаш ќе му бидам благодарен на тимот. Што се однесува до болидот, со доаѓањето на Хонда имаме голем напредок и убеден сум дека ќе се бориме за највисок пласман – изјави Ферстапен.
Very proud and happy that @redbullracing will stay my home until 2023. We started this journey together and they have supported me from day 1. I want to win with @redbull and @HondaRacingF1, our goal is to fight for a World Championship together. The best is yet to come! #YesBoys pic.twitter.com/gal9QVTEFO
— Max Verstappen (@Max33Verstappen) January 7, 2020
