Ништо од големото враќање, Берлускони се откажува од претседателската кандидатура?
Поранешниот италијански премиер Силвио Берлускони одлучи да не се кандидира за претседател, изјави извор од неговата партија Напред Италија, пишува Ројтерс.
Состанокот меѓу италијанските партии од десниот центар пред парламентарното гласање, кое започнува на 24-ти јануари, сè уште е во тек.
Централно-десниот блок ги вклучува Лигата, Браќата на Италија и партијата Напред Италија на Берлускони.
Милијардер со претседателски амбиции: Враќање на „отпишаниот“ Силвио Берлускони
Драги и Берлускони се сметаа за главни кандидати
Италијанскиот парламент во понеделник треба да започне со избор на нов претседател, а најчесто споменуваните кандидати се актуелниот премиер Марио Драги и поранешниот Силвио Берлускони.
Поранешниот премиер (85) долго време се обидува да ја круниса својата кариера како претседател, но повеќето набљудувачи не веруваат дека тој ќе собере доволно гласови.
Иако е главно церемонијална должност, италијанскиот претседател има значителни овластувања во време на политичка криза – од распуштање на парламентот до избор на нов премиер и отфрлање на мандатите од кревките коалиции.
Италија на 24 јануари оди на претседателски избори, Драги и Берлускони можни кандидати