Ништо ново, Хамилтон со триумф на Хунгароринг

twitter.com/F1

Ова беше вкупно седми триумф на Хунгароринг во кариерата за Хамилтон, а до победата дојде после голема борба и одлична тактика на Мерцедес.

Голема предност имаше Макс Ферстапен кој дојде до пол позицијата во саботните квалификации, но во 67 круг членот на Ред Бул беше престигнат од Британецот.

Актуелниот Формула 1 шампион го оствари 81 триумф во кариерата, а вкупно осми сезонава и направи уште еден голем чекор кон одбрана на титулата. Моментно кај возачите има точно 250 бодови, пред Валтери Ботас (188) на Мерцедес и Ферстапен (181).

Холанѓанецот мораше да се задоволи со второто место кој освои и додатен бод за најбрз круг на трката, а трет заврши членот на Ферари Себастијан Фетел кој во завршницата го престигна тимскиот колега Шарл Леклер.

Во Ф1 шампионатот следува пауза од скоро еден месец, а натпреварувањето ќе продолжи на 1 септември со ГН Белгија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот