Нино и Мартин: Не постои нешто на светот кое може да ве спречи да лансирате ваша компанија
Патот на CodeWell низ годините е полн со измени и успеси. Компанија која развива свои продукти. Нино Карас и Мартин Анчевски ја основаа CodeWell во 2010-2011 година и со многу труд и мотивација успеаја да ја доведат до препознатливиот бренд што го претставува денес, тие утрово се гости во „Утрински брифинг“ на „Слободна ТВ“.
-Нашиот развој започна од Автобуско, апликација која даваше информации за сообраќајот на градски автобуси во Скопје, која го привлече вниманието на луѓето и подоцна беше откупена од страна на T-Mobile. Понатаму, ние основавме и две успешни стартап компании кои засебно ни донесоа многу позитивни искуства и важни лекции по кои се водиме и ден денес. Првата стратап компанија е MarkO со која освоивме многу награди, меѓу кои и наградата Community Award на Pioneers Festival. Втората стартап компанија е препознатливата Letz која достигна најзначителен успех, освојувајќи ја меѓу другите и најпрестижната награда Product of the Year на Product Hunt. Со Letz, бевме првите на Балканот кои успеаа да подигнат Venture Capital и да го најдат својот пат кон САД- велат Нино и Мартин.
Кога ќе видиме што се сме постигнале, велат тие, добиваме наплив на енергија и мотивација секогаш да се стремиме кон повеќе и да работиме на нови продукти.
-Со оглед на нашиот иновативен и претприемнички дух, во иднина планираме развој на нови и успешни продукти и почеток на нови возбудливи проекти и можни соработки- велат Нино и Мартин.
Пораката која ја испраќаат е дека не постои нешто на светот кое може да ве спречи да лансирате ваша компанија, продукт, бренд или што и да е тоа што вам ви е најголема желба кога го имате нивото на одлучност што е потребно.