Додека ОИК ги пребројува гласовите, полицијата од претпазливост ја блокираше улицата каде е сместен централниот штаб на Демократската партија на социјалистите на Ѓукановиќ.

Од друга страна симпатизерите и активисти од коалцијата „За иднината на Никшиќ’ заедно со носителот на листата Марко Ковачевиќ се собрале денеска пред штабот на овој политички субјект и ја почнале прославата за новиот градоначалник. Како што може да се види од снимката објавена на Фејсбук, во текот на собирот се прекршени мерките против епидемијата – не се носеат маски и не се почитува физичка дистанца.

Никшиќ се смета за бастион на партијата на Ѓукановиќ која во последниот мандат владееше со градот без опозиција која ги бојкотираше последните локални избори во 2017 година. На парламентарните избори во Црна Гора во август годинава, ДПС доживеа првпат пораз по 30 годишното владеење со земјата.

Црногорците избираат локална власт, а во Никшиќ се кршат копјата: Ќе падне ли Ѓукановиќ и во родниот град?