Николовски: Ќе бараме отчетност од сите функционери
Ќе работиме пред се на силна контрола за тоа како се реализира нашата програма, програмата на СДСМ и нашите ветувања кои беа дел од нашите кампањи, најави вечера новиот генерален секретар на СДСМ, Љупчо Николовски, кој дојде на оваа функција на место Александар Кирацовски.
– Доаѓа период во кој навистина и преку инструментите на СДСМ ќе бараме отчетност од сите избрани функционери, ќе бараме отчет од градоначалниците, од локалните самоуправи и точно ќе ја следиме реализацијата на нивната програма, на секој градоначалник, на секој директор, за која мерка, за која политика до каде е самата реализација. Ќе се фокусираме на изградба, и надградба на внатрешниот систем на организација на СДСМ како најголема политичка структура во државата. Може да гарантирам дека деноноќно ќе работам на изградба на еден систем и на отчетност и на чесност и на одговорност и на посветеност се во функција на реализација на нашите ветувања и на зборот коишто го имаме дадено пред граѓаните – најави Николовски.
Тој како што рече убеден е дека СДСМ заедно со коалицијата е сигурен победник на следните парламентарни избори.