Македонија го претрпе и четвртиот пораз во квалификациите за пласман на Европското првенство кое ќе се одржи во 2022 година.

Денеска во Перм пресилни беа руските кошаркари кои славеа со 94:77 и воедно со овие бодови се промовираа во учесници на континенталниот собир.

На прес-конференцијата по одигрувањето на средбата, говореше нашиот бек Кристијан Николов кој ги изнесе своите впечатоци.

Имаше солидна партија од 11 поени и пет асистенции за скоро 19 минути игра на паркетот во „Молот“ Арената.

– Имавме тежок натпревар, добро се подготвивме, но нè стигна заморот по вчерашниот меч. Клучен момент беше скок-играта, беа многу подобри во тој елемент. Имаме ден за одмор и верувам, односно сигурен сум дека ќе дадеме сè од себе да ја победиме Италија. Без разлика на се што се случуваше, ние сме сплотени како никогаш досега. Ова е група од 15 кошаркари која секогаш е подготвена да даде се од себе за репрезентацијата – рече Николов.