Плејмејкерот на македонската сениорска репрезентација, Кристијан Николов во најавата за утрешниот натпревар бара поддршка од публиката за позитивен резултат.

– Не чувствуваме никаков притисок, тоа е најважно за нас. Играме против Шпанија. Ќе дадеме сè од себе да дојдеме до позитивен резултат за нас. Следниот меч ни е со Украина, потоа и Грузија. Таму ги гледаме шансите и се надевам дека ќе бележиме позитивни резултати. Репрезентацијата е предизвик за секој од нас, а враќањето на Дамјан Стојановски е голем плус.

Ние сите што сме овде ќе се бориме да имаме добри резултати и да носиме успеси. Се надевам дека ќе дојде и публиката да ни даде поддршка. А ние, ако ни се укаже било каква шанса, ќе се обидеме да им вратиме за оној пораз во полуфиналето од Европското првенство од пред десет години – вели Николов.

Во петок навечер од 19.30 часот, Шпанија ќе гостува во Скопје, доволно за уште еден повик до публиката за Спортскиот центар „Јане Сандански“ – Скопје да биде пополнет со максимално дозволениот капацитет.

Ова е тимот кој го одбра селекторот Драган Бајиќ со кој ќе ги почнеме квалификациите за Светскиот куп 2023:

Бојан Крстевски, Кристијан Николов, Дамјан Робев, Адем Мекиќ, Дамјан Стојановски, Бобан Стајиќ, Џејкоб Вајли, Теодор Симиќ, Виктор Ефремовски, Андреј Маслинко, Кирил Николовски, Андреј Магдевски.

КФСМ нема да му дозволи на Зекири да игра за Косово