Николов и Начевски го судеа првиот меч на Олимписките игри во Токио
Започнаа натпреварите од ракометниот турнир на Олимписките игри кои се одржуваат во Токио, Јапонија, а во истиот учествуваат вкупно 12 репрезентации поделени во две групи.
Во групата „А“ во рамките од првото коло, Норвешка го совлада Бразил со 27:24, најефикасен беше Сагонсе со осум голови во победничките редови.
Потоа Франција со 33:27 славеше над Аргентина, а во дербито на рундата Шпанија минимално со 28:27 беше подобра од Германија.
Во групата „Б“ Шведска потешко од очекувањата го совлада Бахреин (32:31), а Данска беше убедлива против домаќинот Јапонија со 47:30.
Египќаните исто така освоија бодови со победата над Португалија со 37:31, иако на полувреме беше нерешено (15:15). Судии на овој дуел беа Славе Николов и Ѓорѓи Начевски од Македонија.
ВИДЕО: Кина најдобра со четири медали на првиот ден, остварени нови олимписки рекорди