Николов двоен стрелец во триумфот на Мол Фехервар (ВИДЕО)
Денеска на гостински терен со конечен резултат 2:4 славеше Мол Фехервар против тимот на Егер, двапати во листата на стрелците се запиша Бобан Николов.
Реализирани двата погодоци од непосредна близина, најпрвин македонскиот ререпрезентативец стрелаше за 1:3 во 78 минута, а во самиот финиш од средбата го постави конечниот епилог.
Ова е секако добра вест и за селекторот Игор Ангеловски во пресрет на новите квалификациски натпревари за пласман на Европското првенство 2020 година наредниот месец против Словенија и Полска.
Во составот на Мол Фехервар освен Николов, играше и вториот наш репрезентативец, Висар Муслиу.
На видео записот можете да ги погледнете двата голови на Николов: