Пејачката Никол Шерцингер несомнено важи за една од најубавите жени во светот. Во својата петта деценија изгледа неверојатно во какво било издание, со шминка или без, во блескави фустани или тренерки таа едноставно блеска со самодоверба.

Ѕвездата од „The Pussycat Dolls“, Никол (42) неодамна сподели фотографија облечена во тесна бела маица и без грам шминка истакнувајќи го својот потполно природен изглед.

„Кожата ми е затегната, порите и дамките минимизирани, давајќи го тој здрав сјај“, напиша Никол.
Оваа фотографија предизвика лавина коментари од нејзините обожаватели. Таа повторно успеа да ги „сврти“ сите погледи кон нејзината привлечна фигура и длабоко деколте.

Голем дел од нејзините обожаватели едноставно останаа „без зборови“. „Изгледаш неверојатно“, „Ова не е реално“, „Изгледаш помладо секој ден“, „Како може некој да биде толку природно убав?“, беа дел од коментарите.

Никол треба да биде благодарна на своите гени, таа навистина изгледа неверојатно, а уште поинтересен е фактот дека досега немала никакви естетски зафати.