Никол Кидман: „Не сакам моите деца да користат Инстаграм бидејќи и јас не го разбирам“

Фото:Инстаграм

Актерката Никол Кидман со нејзиниот сопруг Кит Урбан ги воспитува своите деца на традиционален начин. Таа сака нејзините ќерки, 12-годишната Сандеј и тригодини помладата Фејт да градат свој став и самодоверба без влијанието на социјалните мрежи.

Фото: Инстаграм

Австралиската актерка во вторникот, преку видео врска, беше гостинка на панел дискусија во која се зборуваше за мајчините грижи. Иако мајчинството е огромна радост за неа, 53-годишната ѕвезда вели дека нејзината цел е да ги води и воспитува своите деца, а не да стане „родител на хеликоптер“ кој постојано ќе ги надгледува или ќе им поставува услови.

Кидман вели дека се плаши од влегувањето на Сандеј и Фејт во светот на социјалните мрежи и признава дека и самата не ги владее многу.

Фото: Инстаграм

– Многу ми е тешко што морам да ги следам и надгледувам, но и понатаму нема да дозволам да бидат на Инстаграм. Во моментов, моето 12-годишно дете сака да се вклучи во сето тоа и тука има малку „повлечи – потегни“ на таа тема , но не попуштам. Мислам и дека многу родители би се согласиле со мене, вели Кидман, чиј приоритет во воспитувањето е зачувување на самодовербата на децата.

Фото:Инстаграм

– Јас сè уште ги насочувам, но не им „командувам“. Им дозволувам да прават грешки, „паднат и сами да станат“ и да се обидат да ја апсорбираат таа болка. Има толку многу работи во воспитувањето на децата, но на крајот тоа е една голема радост. Радост е што овие две прекрасни мали жени растат и откриваат нови работи од ден на ден. Го сакам тоа, вели Кидман.

Иако познатата актерка е блиска со своите биолошки ќерки, медиумите постојано пишуваат за нејзиното отуѓување од Изабела и Конор, нејзините постари деца која таа ги посвои со поранешниот сопруг Том Круз. Заладувањето на односите наводно се случило по нивниот развод, а се верува дека Изабела (27) и Конор (25) како и Круз се членови на Скиентолошката црква.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот