Никогаш не вели никогаш: Демпси за враќањето во „Вовед во анатомија“
Актерот Патрик Демпси на фановите на серијата „Вовед во анатомија“ секогаш ќе им биде познат како доктор Дерек Шепард, иако неговиот лик почина во 11-та сезона. Меѓутоа, тој не ја исклучува идејата за враќање во серијата во иднина, што фановите особено ги радува.
Доктор Шепард направи ненадејно враќање во тековната сезона, каде гледачите го гледаа со сопругата Мередит на плажа. Беше тоа неочекуван пресврт за фановите, пишува „Fox News“.
Демпси се осврна на враќањето во серијата во интервјуто за „Variety“ каде изјави дека не се противи на повторното појавување во серијата на некој начин.
„Кој знае: Никогаш не вели никогаш со оваа серија, зарем не?“, изјави Демпси.
„Драго ми е што го направивме тоа оваа година, Крист Вернод одработи одлично раскажување на приказната. Беше тоа сјаен начин на луѓето да им дадеме надеж“, изјави тој.
Демпси беше дел од серијата од првата до единаесеттата сезона.
Зборувајќи за своето враќање во 17-та сезона актерот се осврна на епизодата која минатата недела беше емитувана во САД и делуваше како последен пат обожавателите да го гледаат во таа улога.
„Мислам дека тоа е прекрасен начин да завршиме. Намерата беше да им дадеме некаква надеж на луѓето, бидејќи тие двајца се култен пар. Изгубивме многу луѓе оваа година, помислата дека имаме ангели кои лебдат околу нас и се грижат за нас е така добра порака во светот во кој живееме. Така тоа за сите нас беше прекрасен крај на оваа приказна. Благодарен сум што го сторив тоа и среќен сум што им се допадна на фановите“, изјави актерот.
Елен Помпео остана главен лик во серијата, но обожавателите се жалеа поради загубата на неколку омилени ликови, како Демпси.
17-та сезона започна така што Мередит се зарази со коронавирусот, а се среќава и со семејството и пријателите кои претходно го прележаа, вклучувајќи ги Лекси Греј, Марк Слоун и Џорџ О-Мали.