Нигерија: Музичар осуден на смртна пресуда поради „непристојна” песна

epa08534897 A banner advertising sport betting is seen hanging on a bridge in Lagos, Nigeria, 07 July 2020 (Issued 08 July 2020). Sport betting kiosks that were shut down during the long lockdown to prevent the spread of the coronavirus, are back on the streets as European premier leagues resume. Many Nigerians are followers of the Premier league and European football clubs and their fandom through betting is also huge, particularly in Lagos, a city of 21 million people. EPA-EFE/AKINTUNDE AKINLEYE ATTENTION: This Image is part of a PHOTO SET

 Жител на нигерискиот град Кано е осуден на смрт со бесење затоа што објавил „богохулна” песна на социјалната комуникациска мрежа ВатсАп, пренесува „Мирор”.

Јахја Шариф-Амину, 22-годишен музичар, е осуден на смрт за песна во која тој, според судот, „непристојно” го спомнува Мухамед – според исламската вера, последниот пророк и гласник на Алах.

На првото судско рочиште обвинетиот, кој во тоа време беше без адвокат, се изјасни за виновен. Подоцна изјави дека направил грешка.

Нигерискиот директор на меѓународната организација за човекови права Амнести Интернешнл, Осај Оџиго го доведе во прашање праведноста на судењето и последователните обвинувања за објавата на ВатсАп.

Десетици илјади луѓе во светот потпишаа петиција со која се повикуваат локалните власти да ја поништат казната.

Сепак, државниот гувернер Абдулахи Умар Гандује има намера да ја потпише смртната казна веднаш штом заврши жалбената постапка.

– Ќе ја потпишам без двоумење, рече тој.

Претставници на Советот за човекови права се загрижени за случајот Шариф-Амину.

„Уметничкото изразување на нечие мислење и верување преку музика и други медиуми, дури и ако понекогаш ги повредува чувствата на верниците, е заштитено со меѓународното право”, велат тие.

Според нив, „нелегално е да се криминализира овој начин на изразување”. Тие сметаат дека музиката не е кривично дело. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот