Српскиот тенисер е единствениот кој во 2019. година ги освојуваше титулите на сите три подлоги, односно на бетон, трева и земја.

Новак Ѓоковиќ оваа сезона обезбеди пет трофеи, а во самата завршница од годината го загуби првото место на АТП ранг листа, а на истото сега се наоѓа Шпанецот Рафаел Надал.

Ја започна годината со победа на „Австралија опен“, потоа го освои Мастерс турнирот во Мадрид, „Вимблдон“, а триумфираше во Токио и Париз.

Тоа што успеа Ноле, не успеаја неговите најголеми ривали. Надал на земја ги освојуваше Рим и „Ролан Гарос, додека на бетонските терени доминираше на „Роџерс куп“ и „УС Опен“.

На Швајцарецот Рожер Федерер му недостасуваше триумф на песок. Оваа година, тој беше најдобар во Дубаи, Мајами и Базел така што ги обезбеди титулите на бетон. А кога е во прашање тревната подлога, поранешниот број еден славеше во Хале.