Незадоволни, бараат играчите да си одат од Јувентус!
Незадоволни од сето тоа што се случуваше во изминатиот период, Марио Манџукиќ и Емре Џан побараа уште во јануари да си заминат од италијанскиот шампион.
– Тоа беше екстремно шокантно. Повикот преку кој ми ја соопштија таа одлука не траеше ниту минута, ниту ми дадоа објаснување. Тоа ме прави лут и незадоволен. Ќе разговарам со клупското раководство кога ќе се вратам во Торино. Тренерот не беше искрен спрема мене, да ја знаев порано оваа информација, немаше повеќе да бидам дел од Јувентус – рече Џан.
Се шпекулира дека за него нема повеќе место во Торино, но и самиот не се гледа во клубот.
Хрватскиот напаѓач исто така сака да си оди, а тој веќе летово доби неколку понуди и се очекува во зимскиот период да го напушти италијанскиот шампион.
Не е исклучена можност да направи трансфер во Премиер лигата, интерес за неговите услуги покажува Вест Хем.