Повеќе од 6,5 милиони Американси аплицирале за искористување на надомест за ублажување на економската криза поради престанок на работа како последица на борбата за справување со корона вирусот.

Со ова е соборен рекордот од минатата недела кога беа поднесени 3,3 милиони барања.

За споредба, пред кризата со корона вирусот претходниот рекорд изнесуваше 695 илјади и беше поставен во 1982 година.

Зголемувањето на бројот е последица на одлуките на властите низ целата земја да се затворат рестораните, баровите, кината, хотелите и спортските сали во обид да се забави ширењето на смртоносниот вирус.