Невозможна пита: Неодоливо едноставен десерт со кокос
„Невозможната пита“ е толку лесна за подготовка што е речиси „невозможно“ да го утнете рецептот. Овој рецепт потекнува од САД, а омилен е и во Австралија каде традиционално се служи со кафе и топка сладолед. Добро е да се има предвид дека питата ќе нарасне за време на печењето, а потоа, штом ќе почне да се лади, ќе „спласне“.
За полесно да се исече, можете да ја оставите во фрижидер да се стегне пред да ја послужите. Иако најчесто се подготвува со кокос, невозможната пита е омилена и со јаболка, лимон, па дури и со зеленчук, како спанаќ и блитва.
Состојки:
– 4 јајца
– 3/4 шолја шеќер
– 4 лажици омекнат путер
– 1 лажичка екстракт од ванила
– 1/2 лажичка мелено морско оревче
– 1/2 чаша брашно
– 2 чаши млеко
– 1 шолја кокос
Подготовка:
Јајцата, шеќерот, путерот и ванилата се матат со миксер. Додадете ги мускатно оревче, брашното и млекото и убаво измешајте. Со лажица измешајте го кокосот. Ставете малку масло на садот за печење и истурете ја смесата. Питата се пече во загреана рерна на 180 степени околу 55 минути. Користете чепкалка за заби за да проверите дали е готова, па извадете ја да се излади. Декорирајте по желба и послужете дури откако добро ќе се олади.