Од среда официјално ќе продолжи сезоната во Премиер лигата, а многу блиску до освојување на титулата после три децении е екипата на Ливерпул. Голем број на фудбалски фанови веќе ги прогласија Редси за шампиони, а помеѓу нив е и една од легендите на Манчестер јунајтед, Гери Невил.

Воедно многумина сметаат дека напаѓачите покрај Ван Дајк се главните „виновници“ за успешните резултати на клубот од „Енфилд“, но Невил не мисли така.

– Мислам дека голманот Алисон е причината за титулата на Ливерпул. Кога луѓето зборуваат за Ван Дајк како дел кој недостасуваше, верувам дека тука има вистина. Од друга страна, кога ќе погледнете две или три години подоцна, бев навистина критичен по прашањето околу голманската позиција на Ливерпул.

Реков дека никогаш нема да ја освојат лигата со тогашните голмани. Кога дојде Алисон, го видов тоа во Јунајтед со Шмајхел, а потоа и со Ван Дер Сар. Кога голманот ти е мирен, авторитетен, ги брани ударите, тоа дава самодоверба на тимот и ефектот е неверојатен – рече Невил.

Во среда (17 јуни) на програмата се два натпревари, Астон Вила-Шефилд јунајтед и Манчестер сити-Арсенал, а во недела (21 јуни) играчите на Клоп му гостуваат на Евертон.