Нервозата понекогаш од вас може да го извлече и најдоброто, а тоа се непланираниот хумор и изјавите кои гостите на венчавката ќе ги кажуваат со години.

Тревор и Џордан имаат дефинитивно најдобра приказна од венчавката и фотографија што ќе потврди дека ни свештеникот не остана рамнодушен.

Имено, за време на кажување на заветите пред Бог и луѓето, возбудената Џордан го стави прстенот на раката од својот сопруг и изговори: „Земи го овој прстен како знак на мојата љубов и плодност“.

Плодност?

Пријателите, семејствата и новопечениот пар прснаа од смеа, бидејќи Џордан мислејќи на верност изговори плодност.

„Се колнам дека не знам ништо во врска со нејзината плодност“, додаде свештеникот.

Виралната фотографија измами голем број насмевки на корисниците кои во коментарите споделија приказни од своите венчавки и венчавките на кои присуствувале.

„Заветот на плодноста“ е моментално најдобрата приказна од венчавка која постои.