Неверојатно, уште еден отказ кај Американците – Слободен печат
КошаркаСпорт

Неверојатно, уште еден отказ кај Американците

Плејмејкерот на Сакраменто кингс, Деарон Фокс нема да игра за репрезентацијата на САД на Мундобаскетот во Кина.

Селекторот на кошаркарската репрезентација на САД, Грег Попович никако да поврзе неколку денови без некој кошаркар да одлучи да не игра за националниот тим.

Според Јаху спортс, последен кој го откажа настапот на СП во Кина е 21-годишниот кошаркар на Сакраменто, Деарон Фокс кој сака да се фокусира на подготовките за новата сезона во која се надева дека ќе обезбеди пласман во плејофот. Со последниот отказ, селекторот Попович има само 13 кошаркари на располагање.

Во отсуство на најголемите НБА ѕвезди како Џејмс Харден, Ентони Дејвис, Бредли Бил, Демиен Лилард, Си Џеј Меколум кои сите го откажаа настапот на Мундобаскет, најзвучни имиња во репрезентацијата се Кемба Вокер и Донован Мичел и Крис Мидлтон.

Репрезентацијата на САД на СП во Кина се наоѓа во групата Е со Турција, Чешка и Јапонија.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close