НЕВЕРОЈАТНО: Петр Чех повторно меѓу стативите! (ФОТО) – Слободен печат
СпортФудбал

НЕВЕРОЈАТНО: Петр Чех повторно меѓу стативите! (ФОТО)

Поранешниот голман на англиските великани Челзи и Арсенал го напушти фудбалот, но се префрли во друг спорт кој што е многу популарен во неговата Чешка.

Петр Чех (37) е повторно меѓу стативите, но оние хокеарските, поточно ќе ги брани боите на Гилфорд Феникс.

– Пресреќен сум што добив можност да играм за Феникс со цел да добијам натпреварувачко искуство. Се надевам дека ќе му помогнам на овој млад тим да ги оствари своите цели оваа сезона и да триумфира на што е можно повеќе натпревари кога ќе добијам шанса да играм – рече Чех.

Како што и тој самиот признава после 20 години во професионалниот фудбал, ова за него ќе биде едно убаво искуство, да биде дел од спортот кој го сакал уште како дете.

Во својата фудбалска кариера со Челзи четири пати ја освои Премиер лигата, а стигна и до трофејот во Лигата на шампионите во сезоната 2011/12.

Со екипата на Арсенал успеа да се закити со трофејот во ФА Купот, додека минатата сезона беше финалист во Лига Европа.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close