Неверојатниот пат до првиот трофеј за Лопетеги: Доби отказ пред СП 2018, беше тренер на Реал на 14 натпревари, а сега направи чудо со Севиља
Шпанскиот тим вчеравечер по шести пат триумфира во Лигата на Европа откако во финалето го совлада Интер со 3:2.
Никој не беше посреќен по победата на Севиља од тренерот на шпанскиот тим Хулен Лопетеги кој по последнио свиреж на судијата, заплака.
– Ова е многу посебно. Секогаш е посебно да се освои трофеј. Имавме три пенали во првите пет минути против нас во последните три натпревари, но екипата никогаш не се предава – изјави Лопетеги по победата.
За одличната работа на Лопетеги сезонава најдобар доказ е тоа што Севиља нема пораз од јануари годинава, откако испадна во Шпанскиот куп од Мирандес. Оттогаш никој не ги победи, а на завршниот турнир во ЛЕ ги совладаа екипите на Рома, Вулверхемптон, Манчестер јунајтед и во финалето Интер.
Исто така е импресивно и што дури девет од 11 играчи од првиот тим кој играше против Интер, не беше во клубот пред оваа сезона, но Лопетеги успеа да создаде заедништво и одлична хемија меѓу фудбалерите и тоа беше наградено со трофеј.
Интересно е што ова е прв трофеј во кариерата на 53-годишниот тренер и претставува најголема сатисфакција за Лопетеги по се што му се случуваше во последните две години.
Julen Lopetegui was sacked by Spain days before the 2018 World Cup. He lasted just four months at Real Madrid. And now he’s just won his first trophy as a manager.
Redemption ? pic.twitter.com/deVjN4rzrW
— B/R Football (@brfootball) August 21, 2020
Лопетеги на само два дена пред стартот на Светското првенство во Русија 2018 година доби отказ. Причината за отказот е бидејќи зад грб на Шпанската фудбалска федерација се договори со Реал Мадрид веднаш по завршување на Мундијалот на седне на клупата на „кралскиот“ клуб. Челниците на Федерацијата не можеа да му ги простат предавството и го отпуштија, а Шпанија која беше еден од главните фаворити за титулата стигна само до осминафиналето.
Но и во Реал Мадрид имаше неславна авантура. Лопетеги на Реал Мадрид беше тренер само 14 натпревари по што доби отказ. Остатокот од сезоната го помина одморајќи пред минатото лето да седне на клупата на Севиља и за една сезона да направи вистинско фудбалско чудо.