Неверојатниот Дончиќ руши рекорди во НБА (ВИДЕО)
Бекот на Далас маверикс, Лука Дончиќ не може да биде запрен ниту од пандемијата на коронавирусот и продолжува да руши рекорди. Дончиќ оствари трипл-дабл од 34 поени, 20 скокови и 12 асистенции во победата на неговиот тим од 114:110 над Сакраменто.
Дончиќ стана најмладиот играч во историјата на НБА лигата кој остварил трипл-дал со најмалку 30 поени и 20 скокови.
Неверојатна вечер имаше и Кармело Ентони кој со 14 поени во последната четвртина го предводеше Портланд во победата од 110:102 над Хјустон. Одлична партија имаа и Демиен Лилард кој даде 21 поен и Јусуф Нуркиќ кој оствари дабл-дабл од 18 поени и 19 скока. Со оваа победа Портланд дојде до деветтото место во Западната конференција и има само 1.5 победи помалку од осмиот Мемфис.
Резултати :
Милвоки – Бруклин 116:119
Сакраменто – Далас 110:114
ЛА клиперс – Феникс 115:117
Индијана – Орландо 120:109
Мајами – Бостон 112:106
Портланд – Хјустон 110:102