Страста на аргентинските навивачи кон фудбалот е добро позната низ целата планета, а најсвеж пример е од минатиот месец кога еден навивач на Расинг на прославата на титулата на омилениот клуб го донесе черепот од неговиот дедо.
Сепак, потегот на навивачот на Ривер Плејт е нешто досега невидено.

Тој истетовира дводимензионален код кој му овозможува секогаш кога ќе го скенира со својот телефон, да ги прикаже головите на неговиот омилен тим против најомразениот ривал Бока Јуниорс во финалето на Копа Либертадорес.

Ah no pero están re locos pic.twitter.com/wIfJZ5LYu9

— Ariel Cristófalo (@acristofalo) April 11, 2019

Станува збор за финалната пресметка на оваа сезона во која имаше невообичаен крај. Имено првиот натпревар од финалето на Јужноаамериканската лига на шампиони која се играше на „Бомбоњера“ заврши 2:2, а реваншот поради големите инциденти наместо во Буенос Аирес се одигра во Мадрид. Во реваншот Ривер победи со 3:1 и големиот навивач на овој тим ќе може да ги гледа баш тие голови секогаш кога телефонот ќе го приближи до тетоважата.