Советникот на Формула 1 тимот Ред Бул, Хелмут Марко, на својот возач, Макс Ферстапен му даде невообичаен и неверојатен совет кога светот е во страв поради пандемијата на коронавирусот.

Марко му порача на Холанѓанецот дека сега е идеално време да се зарази со коронавирусот.

Тој тврди дека младиот 22-годишен возач не припаѓа на ризичните групи и лесно ќе се носи со вирусот, ќе стане имун на него и ќе си обезбеди мир за новата сезона.

– Веќе втор ден разговарам со Макс и тој ми кажа дека многу се плаши да се биде позитивен на коронавирус. Мислам дека сега е идеално време да се зарази, има 22 години, не припаѓа на ниту една ризична група, така што по соочувањето со вирусот ќе стане имун на него и ќе биде целосно фокусиран на нападот на титулата – изјави Нелмут Марко.