Патниците кои од недела сакаат да влезат во Германија мораат да имаат негативен тест за коронавирус ако не се вакцинирани или ако неодамна закрепнале од инфекцијата, пренесува Бета.рс.

Новата мерка, која се однесува на лицата од 12 години и постари, донесена е во време кога има се поголема загриженост за растот на бројот на новите инфекции после враќањето на луѓето од летување во странство.

Невакцинираните лица кои влегуваат во Германија со авион мораат да имаат негативен тест направен пред полетување, без разлика од каде доаѓаат.

Од недела и луѓето кои доаѓаат во Германија со други превозни средства мораат да докажат дека не се заразени.

Лицата кои доаѓаат од земји кои Германија ги смета за најризични ќе мораат да имаат негативен тест и ако се вакцинирани или неодамна се излекувале од инфекцијата. На таа листа моментално се Бразил и Јужна Африка, а европските земји не се.