„Netflix“ падна само неколку минути по објавувањето на вториот дел од сезоната на „Stranger Things“
По неколку недели чекање за да се дознаат судбините на поранешните и сегашните жители на Хокинс, вториот дел од четвртата сезона на „Stranger Things“ конечно е тука, а само неколку минути по премиерата, платформата „Netflix“ не успеа да издржи толку многу посетители.
Многу очекуваното финале на четвртата сезона на „Stranger Things“ вчера се појави на „Netflix“, но само неколку минути по пристигнувањето на последните епизоди, стриминг сервисот падна.
View this post on Instagram
„Ве молиме обидете се повторно“
Техничките тешкотии се доказ за тоа колку се возбудени фановите за да дознаат што ќе се случи со нивните омилени херои, а падот на стримиг сервисот поттикна многу вознемирени корисници да се префрлат на „Твитер“ и веднаш да се пожалат.
„Поминаа пет минути откако го срушивме Нетфликс“, напиша еден корисник, додека друг додаде: „Не одбројував секунди како да е Нова Година за да падне Нетфликс“, се дел од коментарите.
Веб-страницата „DownDetector“ потврди повеќе од 700 извештаи за технички проблеми со „Netflix“ вчера околу 9 часот наутро, и се чини дека за повеќето луѓе тешкотиите набргу биле решени.
Серијата „Stranger Things“ го држи рекордот на „Netflix“ на гледаност. Само три дена по објавувањето на четвртата сезона, серијата достигна неверојатни 287 милиони часови гледаност, додека серијата „Bridgerton“ претходно го држеше рекордот со 193 милиони часови.
View this post on Instagram
Дејството на четвртата сезона започнува шест месеци по завршувањето на третата, односно по битката во трговскиот центар. Елевен, која ја игра Мили Боби Браун беше одвлечена од нејзините пријатели и одведена да се сретне со владини претставници. Таа стави до знаење дека повеќе ги нема нејзините моќи и ѝ беше кажано дека таа е единствената што може да го спречи крајот на светот.