Нетанјаху за одлуката на ОН: Ги охрабруваат терористите ширум светот

epa09133056 Israeli Prime Minister Benjamin Netanyahu speaks at a memorial ceremony for fallen soldiers at the Yad LeBanim House in Jerusalem, April 13, 2021, on the eve of Memorial Day in Israel. EPA-EFE/DEBBIE HILL / POOL

 Израелскиот премиер Бенјамин Нетанјаху денеска експресно реагираше на одлуката на ОН да почеток на меѓународна истрага за злосторствата во Газа, изјавувајќи дека смета дека овој чин ги охрабрува терористите ширум светот.

-Денешната срамна одлука е уште еден пример за анти-израелската опсесија на Обединетите нации. Уште еднаш, мнозинството во Советот за човекови права застана во одбрана на геноцидна терористичка организација која намерно се насочува кон израелски цивили, истовремено претворајќи ги цивилите од Газа во жив штит, рече израелскиот премиер во изјавата.

Нетанјаху оцени дека „оваа пародија го исмева меѓународното право и ги охрабрува терористите ширум светот”.

Советот за човекови права на ОН денесдка во Женева донесе одлука да отвори меѓународна истрага за злосторствата извршени за време на 11-дневниот конфликт меѓу Израел и палестински Хамас во Газа.

-Несомнено е дека Израел има право да го брани својот народ. Меѓутоа, и Палестинците, исто така, имаат права. Истите права, изјави Високата комесарка на ОН за човекови права Мишел Бачеле и ги повика израелските власти „веднаш да го запрат процесот за иселување на палестинските семејства во согласност со израелските обврски и врз основа на меѓународното право “.

За покренување на истрагата гласаа 24 држави, девет беа против, а 14 беа воздржани, со што ова тело на ОН ја усвои резолуцијата поднесена до ОН од Пакистан, во името на Организацијата за исламска соработка и палестинската делегација во Обединетите нации.
Видео на денот