Актуелниот премиер на Израел, Бенјамин Нетанјаху,  на крајот од оваа недела ќе го надмине Давид Бен-Гурион и ќе стане првиот претседател на владата на Израел кој најдолго останал на таа функција, со што ќе испише историја.

Бен-Гурион беше на чело на владата на Израел 4.875 дена, околу 13 ипол години, од 14 мај 1948 до 26 јануари 1954 година и повторно од ноемвеи 1955 до крајот на јуни 1963 година.

Нетанјаху беше премиер од јуни 1996 до јули 1999 година, а од крајот на март 2009 година, па до денеска повторно се наоѓа на оваа позиција.

Во петок тој ќе го изедначи стажот со Бен-Гурион, а во сабота ќе го надмине и ќе влезе во историјата на Израел.

Тој, според годините поминати на функцијата, меѓу лидерите на земјите членки на Организацијата за економска соработка и безбедност (ОЕЦД), е трет – после Реџеп Таип Ердоган во Турција и Ангела Меркел во Германија.