Израелскиот премиер Бенјамин Нетанјаху денеска официјално објави дека Јехиел Лејтер ќе биде следниот амбасадор на Израел во САД.

Лејтер, роден во САД, кој докторирал на Универзитетот во Хаифа, бил заменик генерален директор на Министерството за образование, шеф на кабинет на министерот за финансии за време на мандатот на Нетанјаху и вршител на должноста претседател на Управата за пристаништа, објави „Тајмс оф Израел“. .

„Јехиел Лајтер е многу талентиран дипломат, елоквентен говорник и има длабоко разбирање за американската култура и политика“, рече Нетанјаху.

Тој истакна дека е убеден оти Лејтер ќе го претставува Израел на најдобар можен начин, посакувајќи му успех на новата функција. Лејтер ќе го замени Мајкл Херцог како амбасадор на Израел во САД.