Нетанјаху и Мицотакис договорија од 1 август израелските туристи да патуваат во Грција

epa08488116 Prime Minister of Isreal Benjamin Netanyahu (2-L) and Prime Minister of Greece Kyriakos Mitsotakis (2-R) prepare to hold a joint press conferece in Jerusalem, Israel, 16 June 2020. EPA-EFE/DEBBIE HILL / POOL

Мицотакис објасни дека главниот приоритет на Грција е здравјето и безбедноста на туристите, за што земјата интензивно работела.

Билатералните односи, зајакнување и проширување на соработката, гасоводот EastMed, ситуацијата во поширокиот регион, но и туризмот беа темите за кои денеска разговараа премиерите на Израел и Грција, Бенјамин Нетанјаху и Кирјакос Мицотакис на нивната средба во Ерусалим, јави дописничката на МИА од Атина.

Двајцата премиери истакнаа дека целта е од 1 август, туристите од Израел да можат да патуваат во Грција.

Нетанјаху истакна дека доколу ситуацијата со Ковид-19 е под контрола и доколку бројките го дозволуваат тоа, 1 август би бил датумот за отворање на туризмот.

– Имаме многу области за потенцијална соработка, но една област е едноставна и се вика туризам. Минатата година имавме неверојатни 1,2 милиона израелски туристи во Грција. Кога првпат се сретнав со еден од вашите претходници, бројката мислам дека беше околу 50.000, рече изралескиот премиер.

Мицотакис објасни дека главниот приоритет на Грција е здравјето и безбедноста на туристите, за што земјата интензивно работела.

– Од 1 јули ќе примаме директни летови кон сите наши главни туристички дестинации. Исто така, се надеваме, ако сѐ оди според планираното, од 1 август ќе ни биде драго да ги пречекаме израелските туристи во Грција. Веројатно ќе можеме да ја продолжиме туристичката сезона до октомври, зошто не и до ноември, за да можеме да го надоместиме загубеното, рече грчкиот премиер по средбата.

Тој се осврна и на активностите на Турција во Источниот Медитеран истакнувајќи дека претставува закана за стабилноста во регионот.

Нетанјаху говореше за можностите за соработка за „гарантирање на  безбедноста стабилност и просперитетот на регионот”, истакнувајќи дека „просперитетот може да се гарантира само ако ги гарантираме стабилноста и безбедноста”.

Мицотакис замина во Израел со осум министри од неговата Влада, а по средбата  беа потпишани и три билатерални договори.

Ова е прво патување во странство за грчкиот премиер по пандемијата на Ковид-19.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот