Израелскиот премиер Бенјамин Нетанјаху го поздрави Договорот за нормализација на односите со Мароко потпишан со посредство на САД и најави дека двете земји ќе воспостават директни летови и дипломатски контакти.

Неименуван американски дипломати изјави дека американскиот претседател Доналд Трамп Договорот го постигнал во телефонски разговор со мароканскиот крал Мохамед Шести.

Во согласност со Договорот, Трамп се согласил да го признае суверенитетот на Мароко над Западна Сахара.

Договорот предвидува воспоставување на дипломатски и официјални контакти помеѓу Мароко и Израел, прелети, како и директни летови.

Мароко е четврта арапска држава, која во изминатите четири месеци склучи Договор за нормализација на односите со Израел, по Обединети Арапски Емирати,  Бахреин и Судан.

И Мароко и движењето за независност Фронт Полисарио полагаат право на Западна Сахара, која е признаена од 45 држави. Додека Полисарио има поддршка од Алжир. По примрјето во 1991 година поголемиот дел на Западна Сахара е под контрола на Мароко, додека Сахарска Арапска Демократска Република има контрола само на мал дел од територијата.

Извор:МИА