Израелскиот премиер Бенјамин Нетанјаху ги предупреди Хутите за „тешката цена“ што ќе треба да ја платат за дејствување против Израел.

„Како што ветивме, Хутите плаќаат и ќе продолжат да плаќаат висока цена за нивната агресија против нас“, рече тој во изјавата објавена од неговата канцеларија по израелските напади врз цели на Хутите во Јемен. „Израел напаѓа цели долж брегот и длабоко во Јемен.

„Хутите се продолжение на Иран и им служат на терористичките цели на иранската оска на Блискиот исток“, рече Нетанјаху. „Тие претставуваат опасност за Израел и целиот регион, вклучително и нанесување штета на глобалната слобода на навигација.

„Ќе дејствуваме со решителност и сила против секој ентитет што му се заканува на Израел – каде и кога е потребно“, нагласи тој.

Израелските одбранбени сили соопштија претходно истиот ден дека биле извршени серија воздушни напади врз цели на Хутите во Јемен по нивните неодамнешни напади на територијата на Израел. Според ИД, цел на нападите биле воени објекти во близина на електроцентралата Хизаз и пристаништата Ал Ходеида и Рас Иса на западниот брег на Јемен.