Несторовски со првите голови за Удинезе (ФОТО+ВИДЕО)

facebook.com/pg/UdineseCalcio1896/

Денеска калчолигашот триумфираше со убедливи 7:0 над нисколигашот Кјарлинс Музане. За првпат стартер кај хрватскиот тренер Тудор беше и Несторовски кој на најдобар начин ја искористи минутажата.

Веднаш го реализираше првиот погодок за тимот од „Фриули“ уште во деветтата минута (1:0), му асистираше Лукаш Теодорчик.

Токму Полјакот се запиша и во листата на стрелците во 32 минута за зголемување на предноста.

За 3:0 се погрижи Чехот Барак на стартот од вториот дел, а Несторовски во 53 минута стрелаше за 4:0.

Нашиот репрезентативец беше заменет во второто полувреме при резултат 5:0. Во петокот Несторовски настапи и во триумфот над турската екипа Бешикташ, во чиј дуел Италијанците беа подобри со 2:0.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот