Македонскиот напаѓач Илија Несторовски наводно е пред заминување од Удинезе каде што има мала минутажа. Несторовски има уште шест месеци од договорот со Удинезе и еден од најпознатите италијански новинари, Џанлука Ди Марцио објави дека може да ја промени средината.

Според информациите на Ди Марцио три клуба од Серија Б покажале сериозен интерес за Нестор. Најмногу се истакнува интересот на Реџина која од клупата ја предводи Филипо Инзаги. Освен Реџина тука се уште Модена и Венеција.

Во овој момент Реџина е второпласирана на табелата и се бори за промоција во Серија А, Џенова на третата позиција има ист број бодови. Модена е на десеттата позиција со 28 бода и еден бод помалку од зоната на плеј-офот, додека Венеција е во долниот дел од табелата и ја чека борба за опстанок во второлигашката конкуренција.

Најавите се дека Удинезе сигурно нема да му го продолжи договорот, меѓутоа би можеле да видиме трансфер и до крајот на овој месец.

#Calciomercato | @Udinese_1896, #Nestorovski potrebbe lasciare: su di lui @Reggina_1914, @ModenaFC_1912 e @VeneziaFC_IT https://t.co/33NXcx5sBf

— Gianluca Di Marzio (@DiMarzio) January 23, 2023