Македонскиот репрезентативец Илија Несторовски веќе трета сезона го носи дресот на Палермо, една сезона настапуваше во Серија А, а две е во Серија Б и сезонава има голема шанса повторно да се врати во елитата. Успехот на Палермо во голема мера зависи токму од настапите на Несторовски, сезонава постигна 12 гола и е еден од најзаслужните што екипата е на третото место на табелата во Серија Б, со 56 бодови, еден бод помалку од Лече, но исто така има и натпревар помалку.

– Ако Палермо ми понуди нов договор, ќе останам! – одговара Несторовски на прашањето дали би останал и понатаму во Палермо или на крајот на сезоната планира да бара да биде продаден.

Одличните игри во дресот на Палермо постојано го „препорачуваат“ на поголемите италијански клубови кои редовно доставуваат понуди за македонскиот репрезентативец. Во зимскиот преоден рок конкретна понуда пристигна од Фиорентина на која и недостасува голгетер од типот на македонскиот репрезентативец.

– Веќе се навикнав, секој ден да ме продаваат некаде. Дури и на еден ден ја загубив капитенската летна бидејќи се веруваше дека трансферот ќе се комплетира, но пропадна во последен момент. Некој ќе беше лут, ќе протестираше, ќе одбиваше да тренира, но јас не сум таков. Работам напорно бидејќи сонувам само за една работа – да го вратам Палермо назад во „Серија А“ – вели Несторовски во разговорот за „Кориере дело Спорт“.