Несторовски: Голот против Рома му го посветувам на Роландо!
По подолг период Удинезе им се врати на победите во најсилното италијанско првенство и тоа во клучен момент во битката за опстанок.
Големи три бода беа освоени на гостувањето кај Рома (0:2), а придонес во триумфот имаше и македонскиот репрезентативец Илија Несторовски.
Составот од Удине е во безбедната зона на 14 место со 31 бод, а во следното коло ќе игра на домашен терен против Џенова на Горан Пандев.
Несторовски стрелаше за Удинезе во триумфот над Рома (ВИДЕО)
– Најважно е што триумфиравме. Ја заслуживме победата, остваривме голем резултат. Мојот гол му го посветувам на Роландо (Мандрагора) кој поминува низ тешка повреда, тој беше со нас и ја даваше поддршката од трибините. Овој успех е за него и се надевам дека наскоро ќе се врати на терените – рече Несторовски после мечот со римската „волчица“.
Нашиот интернационалец сезонава во Серија А од 20 натпревари за Удинезе досега реализираше два голови, сега против Рома, и уште еден против Сампдорија во ноември минатата година.
