НЕРЕАЛЕН ЖИВОТЕН ПАТ: Од бездомник и келнер до репрезентацијата на Англија!
Доста од нив поминале низ трње и камења за да стигнат до таму каде што се, а особено инспиративна е приказната за новиот репрезентативец на Англија, Тајрон Мингс. Овој 26-годишник доби повик од Герет Саутгејт за натпреварите против Бугарија и Косово, а одбранбениот играч на Астон Вила зад себе има едно навистина турбулентно минато.
Со својата мајка и три сестри беше бездомник. Една година живееле на улица, а како дете се обидувало да се пробие во светот на фудбалот.
– Завршивме на улица. Живеевме со еден човек и еден ден требаше да си заминеме. Добро се сеќавам, се бањавме во една од локалните добротворни институции. Беше ужасно. Останавме во засолниште долго време, а кога сте дете искуството е грозно – истакна Мингс.
Но, многумина сметаа дека нема талент за фудбал. Отпуштен од Саутемптон на 15 годишна возраст, а не му беше дадена шанса ниту од Кардиф, Портсмут и Бристол сити.
Потоа, замина во нисколигашките тимови. Чипенхам таун беше клуб за кој играше со 19 години, а воедно работеше како келнер за 45 фунти неделно.
– Имаше многу моменти кога си поставував прашања самиот себеси, дали ова е крајот, дали ова е најдалеку што можам да стигнам? Едноставно не се гледав повеќе во фудбалот – искрен е Мингс.
Но, среќата му се насмевна во 2012 година. Поранешниот дефанзивец на Ипсвич, Расел Осман го виде Мингс и го препорача на менаџерот на тимот, Мик МекКарти.
Одушеви и доби договор, играше три години во оваа екипа, а во 2015 година се пресели во Борнмут за осум милиони фунти.
Следуваше нов шок, ги скина лигаментите на коленото и една година беше надвор од теренот. Но и тоа не го запре, и покрај бројните потешкотии во Борнмут, направи одличен трансфер.
Првите шест месеци ги помина на позајмица во Астон Вила, а потоа овој тим го откупи ова лето во трансфер вреден 25 милиони фунти.
Со одличните игри на почетокот од сезоната заслужи и повик во репрезентацијата на Англија и така беше крунисана неговата неверојатна, но вистинита приказна.
Good first few days training with @England pic.twitter.com/DPyBB1E2aW
— Tyrone Mings (@OfficialTM_3) September 4, 2019
