Првата дама на Америка овој пат избра неодоливо впечатлива комбинација за облекување…

Меланија Трамп се појави на собирот во Амваи центарот во Орландо за да го поддржи сопругот во кампањата за американските претседателски избори во 2020 година, а нејзиното префинето издание привлече големо внимание.

За разлика од 2005 година, кога на објавата на првата кандидатура дојде во многу едноставен бел фустан, изборот овој пат падна на перфектен стајлинг.

Првата дама на Амеика за оваа прилика облече силно жолт „Ralph Lauren“ комбинизон со широки ракави кој на половината го затегна со металик ремен. Со овој аутфит ги вклопи и високите потпетици од Кристиан Лубутин, исто така во жолта боја.

Иако Меланија важи за икона на стилот, овој пат критичарите и најдоа замерка, па на интернет коментираа дека изгледа премногу впечатливо.

„Грозно, се гледа од универзумот“, гласи еден од коментарите на Инстаграм.

Нормално, постојат и такви кои го пофалија нејзиниот избор, а и ние сме дел од нив и сметаме дека е премногу елегантен и храбар, што всушност и прилега на првата дама на САД.