Необична тајна на долговечност: Погледнете што прави оваа 108-годишна бабичка секој ден – Слободен печат
ЗабаваМагазин

Необична тајна на долговечност: Погледнете што прави оваа 108-годишна бабичка секој ден

Иако денес отежнато зборува, насмевката на нејзиното лице покажува сè.

Дороти Фловерс живее во дом во Херогејт, Северен Јоркшир, а неодамна наполни 108 години. Сите ја прашуваат која е тајната на нејзината долговечност, а нејзиниот одоговор е крајно нетипичен.

„Тајната на нејзината долговечност е шампањското што го пие секој ден и чоколадните бонбони, кои секогаш ги има во своето шкафче. Од сите пијалаци, единствено шампањското го пие до крај“, вели нејзината негувателка, медицинската сестра Хелен Белингер.

Дороти за роденден добила повеќе шишиња шампањско, заедно со 654 честитки, цвеќе, чоколади и џин.

Родена е на 22 октомври 1911 година во Лидс, Западен Јоркшир. На само 14 години го напуштила училиштето за да започне да работи како сметководител, каде што го запознала својот сопруг Леонард. Се венчале на почетокот на 40-те, а останале во брак скоро 40 години.

Дороти живеела самостојно до 104-та година, кога се преместила во дом за стари лица. Таа и нејзиниот сопруг никогаш немале деца, а внуката Џидит Барет редовно ја посетува.

„Иако денес отежнато зборува, насмевката на нејзиното лице покажува сè. Секогаш е најсреќна кога е опкружена со други, а роденденските честитки направија да се чувствува сакана“, открива Џудит Барет.

facebook

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close