Одлуката на австралиските власти да ги испратат во затвор своите државјани кои сакаат да се вратат од Индија, предизвика критики и оценета е како расистичка мерка со која се кршат човековите права.

Откако владата во Канбери ги забрани сите летови од жариштата до 15 мај, од денеска, секој Австралијанец кој пристигнува од Индија, се соочува со парична казна, како и казна затвор до пет години, пренесува Би-Би-Си.

Премиерот Скот Морисон ги отфрли сите обвинувања за расизам.

-Истите обвинувања се упатени кон владата пред повеќе од една година кога ги затворивме границите спрема Кина. Во пандемијата нема ниту политика, ниту идеологија. Сето тоа нема никаква врска со политиката, ова е вирус – рекол Морисон за радио-станицата 2ГБ.

Се проценува декае во Индија има околу 9.000 Австралијанци, од кои 600 се класифицирани како „загрозени“.