Немојте да спиете во оваа позиција: Предизвикува голем број здравствени проблеми
Многу луѓе сакаат да спијат на стомак, но не се свесни колку е штетно за `рбетот. Експертите по медицина едногласно се согласуваат дека спиењето на стомак може да доведе до различни краткорочни како и долгорочни здравствени проблеми.
Според Алекс Сави, овластен тренер за спиење и основач на веб страницата „Sleeping Ocean“, спиењето на стомак е позиција која штети на здравјето на човекот од повеќе причини.
Неврологот, експерт за спиење и медицински советник д-р Петро Лука Рати објаснува дека доколку спиете во оваа позоција може да почувствувате проблеми по само една ноќ, но на долг рок тоа може да доведе до посериозни последици.
Според истражување спроведено во 2012 година, околу 16% од луѓето спијат на стомак, додека поголемиот дел, 74% спијат на страна. Ако сте во првата група, морате да ја промените таа навика!
„Повеќето проблеми што се јавуваат поради спиење на стомак се предизвикани од положбата на `рбетот“, вели Сави.
Кога лежите на стомак, `рбетот ја губи својата природна форма и е во состојба на напнатост или напрегање. Мускулите на грбот се оптеретени од спиењето во оваа положба, што може да предизвика болки во грбот кои ќе ги почувствувате уште наредното утро.
Спиењето на стомак исто така може да предизвика хиперлордоза или прекумерно лачење на цитокини во лумбалниот `рбет. Оваа положба на телото создава зголемен притисок врз долниот дел на грбот а воедно може да предзвика и оштетувања на церкивалните пршлени!
„За да можете да дишете додека спиете на стомак, мора да го свртите вратот на едната страна. Ова создава притисок врз мускулите и зглобовите во вратот“, додава докторот.
Спиењето на стомак исто така предизвикува поголем притисок врз срцето и белите дробови.
Ако, и покрај сите предупредувања, сепак одлучите да спиете на стомак, можете да користите перници за да го ублажите штетното влијание.
Лекарите препорачуваат да ставите перница под нозете, со цел да се намали прекумерното исправување на `рбетот. Исто така, можете да ставите перница под колковите за да го одржувате долниот дел на грбот во неутрална положба.