Според локалните медиуми, кошаркарите на Брегот на Слонова Коска стапија во штрајк бидејќи Федерацијата не им ги исплатила претходно ветените и договорени бонуси, додека лекарската нега мора да ја платат од свој џеб. Дури тројца кошаркари кои треба да бидат дел од репрезентацијата на Мундобаскетот во Кина се повредени но не можат да го платат лекувањето.

– Не добивме ниту еден бонус од почетокот на подготовките пред еден месец. Од Федерацијата ни ветија половина од премииите, но ние сè уште не сме добиле никакви пари. Си ги бараме своите премии но и сакаме да ни се исплатат средства и за подготовките и за настапот на Светското првенство – изјави капитенот на „слоновите“, Гај Ландри Еди.

Репрезентацијата на Брегот на Слоновата Коска е во група со Полска, Венецуела и Кина.