НЕМА ВЕЌЕ РАЗУБАВУВАЊЕ: Нова алатка открива дали сте користеле фотошоп на вашите фотографии
Секоја година „Адоуб“ им овозможува на своите инженери малку да се забавуваат со експериментални проекти кои ќе бидат прикажани на конференцијата на компанијата „Макс“. Тие експерименти – наречени „Сникс“ – често пати подоцна се интегрираат во производите на „Адоуб“.
Можеби најинтересна од сите нивни алатки е „About Face“, која е способна да детектира дали постојат манипулации со фотошоп на лицата на луѓето на фотографиите, пренесе српски „Блиц“.
Со помош на модерните алатки за фотошоп, многу е лесно да се измени нечија фотографија, за некој да се направи поатрактивен или за негово исмевање, а новата алатка на „Адоуб“ излгеда дека ќе биде „лек“ против оваа појава.
Едноставно се прикачува фотографијата во алатката и таа проценува дали со неа е манипулирано или не, покажувајќи виртуелна мапа на променетите делови.
Според пишувањата на порталот TNW, „About Face“ делува како да е дизајнирана да „фаќа“ промени направени со алтката „liquify“ на фотошоп, па со неа можете да забележите каде пикселите се растегнувани, стеснувани или додавани.
Покрај се поголемите загрижености околу лажните вести, фотографии и видеа кои се појавуваат на интернет, „About Face“ би можела да стане многу важна алатка која редовно ќе се употребува.