Ливерпул вечерва ќе игра против Арсенал во осминафиналето од Лига купот. Ова ќе биде втор меѓусебен дуел за Ливепрул и Арсенал во пет дена откако во понеделникот играа во Премиер лигата и славеа „црвените“ со 3:1.

Менаџерот на Ливепул, Јирген Клоп нема намера да го жртвува Лига купот на сметка на ЛШ, ФА купот и Премиер лигата, и ќе атакува на трофејот.

– Имам повеќе од 20 фудбалери на располагање за секој натпревар кои според мене сите заслужуваат да играат. Но, на теренот смеат да бидат само 11 играчи, најверојатно ќе направиме некои измени но не сакам да зборувам дека некои натпревари ни е се поважни од други. Игравме во понеделник, денеска не очекува нов натпревар и повторно во недела. Имам среќа што имаме квалитетни фудбалеи и можам да го комбинирам тимот кој ќе настапи вечерва. Но, мразам тоа што измените во тимот се гледаат како давање приоритет на другите натпреварувања. Верувајте, сакаме да победиме во секое натпреварување во кои играме – изјави Клоп.