Тренерот на Јувентус, Масимилијано Алегри смета дека нема фаворити на најголемото дерби во италијанскиот фудбал, популарното „Дерби Италија“ помеѓу неговиот тим и Интер.

– Не е лесно да се каже кој е фаворит на „Дерби Италија“. Интер заедно со Милан и Наполи е во трка за титулата, додека за нас најважно е да го зачуваме четвртото место и да обезбедиме пласман во Лигата на шампионите следната сезона  – вели Алегри.

Интер моментно се наоѓа на третото место на табелата со 60 бода шест помалку од лидерите Наполи и Милан, но има и два натпревари помалку, додека Јувентус е четврти со еден бод помалку од „нераѕурите“.